MONTENEQRODA YAŞAYAN HƏMVƏTƏNLƏRİMİZİN DİQQƏTİNƏ!

Soydaşlarımız ABŞ, Kanada, Belçika, Fransa, Moldova, Rusiya, Polşa və bir sıra digər ölkələrdə uğurlu aksiya və əks aksiyalar vasitəsilə öz haqlı səslərini beynəlxalq ictimaiyyətə çatdırıb və erməni yalanlarını ifşa edib. Təəssüflər olsun ki, erməni radikal dairələri ölkəmizin bir sıra Səfirlik və konsulluqları qarşısında keçirilən aksiya zamanı dinc Azərbaycanlı etirazçılara vəhşicəsinə hücum edib və bəzi həmvətənlərimizə qarşı zorakılıq olub. Nəticədə, bir neçə həmvətənlərimiz bədən xəsarətləri alıb.

Öz tərəfimizdən, hər hansı bir formada xəsarət alan və zorakılığa məruz qalan soydaşlarımıza şəfa diləyir və tezliklə sağalmalarını arzu edirik.

Biz hər bir soydaşımızın göstərdiyi vətənpərvərlik və milli birlik, habelə dünyada xalqımızın haqq səsini ucaltdığına görə dərindən minnətdarlıq bildiririk.

Erməni radikalların zorakı addımlarının və təxribatlarının sayı və dərəcəsinin artdığını nəzərə alaraq, həmvətənlərimizə bir daha ehtiyatlı və tədbirli, erməni radikalların zorakılıq meylindən agah olmağa, hər hansı bir zorakılıq, təhdid və ya təhlükə olduqda dərhal yerli polis orqanlarına və Diplomatik Nümayəndəliyə müraciət etməyi zəruri hesab edirik. Bundan başqa, hər hansı bir aksiya və ya tədbirdə iştirak edərkən yerli hüquq-mühafizə orqanları ilə əlaqələndirmə həyata keçirməyə və təhlükəsizliyin tam şəkildə təmininə əmin olması ciddi şəkildə tövsiyə edilir.

Eyni zamanda, soydaşlarımızdan xahiş edirik ki, rastlaşdıqları zorakılıq, təqib və təhdid halları üzrə müvafiq konsulluq yardımı almaq üçün Monteneqroda yaşayan həmvətənlərimiz birbaşa Podqoritsa şəhərində fəaliyyət göstərən Diplomatik Nümayəndəliyimizə müraciət etsinlər.

Nümayəndəliyin qaynar xətti budur: +38269133103

ƏLAQƏ

Telefon: +38220281181

Faks: +38220281182

E-poçt: podgorica@mission.mfa.gov.az

Web: www.podgorica.mfa.gov.az

Ünvan: Skoj-a 32 Toloşi, Podqoritsa, Monteneqro 81000